Psa 87 | MMX | STEP | Leeme Silok ga vaxaru lemenemen silok teren to vana at loxongkaana Saion, mo loxongkaana i xaala.

Psalms 87

Leemi Asu Mumu Ne Jerusalem

1 Leeme Silok ga vaxaru lemenemen silok teren to vana at loxongkaana Saion, mo loxongkaana i xaala. 2 la lavavara ren ti mo lemenemen silok Jerusalem i volo axap mo levenmenemen petpes bok keneng at lenep silok Israel. 3 Nemi limixin bor at lemenemen silok at ne Moroa, mina ronga i mo levempanga maraanu neni i tong asu nom lemenemen mumu u xeretna; 4 “Anaba lox abeles bok leme Isip mi leme Babilon at loxonaleng ana siam ka nedi limixin at levennep silok no ding tonga res tarak; anaba siam abeles ka bok nedi leme Pilistia, Taia, la Saidon ukeneng eburu mi limixin bus tinotno me Jerusalem.”

5 Dinaba epaase mumu mo loxot Saion do, larabung mixin axap, nedi mego di, la mo Lanaraavuk naba vaxaxis atmatkun mo loxot. 6 Leeme Silok naba malagan levenasen at mo limixin me xadiong la naba lox abeles axap di kusu dina ravasu ngan leme Jerusalem tino nga. 7 Dinabak pixan la dinaba tii. Mo loxompixan atdi naba lok keretna, “Lemenemen Saion neni xusuk mun laamkumkun at leveloklok anarong atnedik.”